Novas

Música en vivo, cultura e moita diversión para vivir este verán! 

Descubre os vibrantes eventos e festivais que che esperan na Mariña. Prepárate para unha experiencia única e mergúllate na enerxía e a maxia da música en directo.

No ano 2023, a Mancomunidade de Municipios da Mariña Lucense iniciou o proceso de adhesión ao Sistema Integral de Calidade Turística en Destino (SICTED) e a súa implantación no territorio, cumprindo un obxectivo asumido no marco do Plan de Sostibilidade Turística na Mariña Lucense, cofinanciado pola propia Mancomunidade coa colaboración da Deputación de Lugo, a Xunta de Galicia e a Secretaría de Estado de Turismo. En 2026 A Mariña conta con 39  empresas e servizos turísticos distinguidos que traballan pola mellora continua do destino. 

A Mancomunidade de Concellos da Mariña Lucense e a Universidade da Coruña (UDC) organizan para o vindeiro mes de xullo un curso de verán baixo o título Emprender no sector turístico na Mariña Lucense, que se desenvolverá do 6 ao 9 de xullo en horario de 16 a 21h na antiga escola de San Cosme de Barreiros. Esta acción formativa, dirixida tanto ao alumnado universitario, como ao público en xeral e profesional, ten como obxectivo achegar coñecemento, habilidades e competencias profesionais interesantes de cara ao emprendemento.

Cando viaxamos, queremos aproveitar o tempo da mellor forma posible e non perdernos nada. Participar nunha visita guiada é unha experiencia enriquecedora que che permitirá mergullarte na historia, cultura, natureza, arte, gastronomía e un longo etcétera.... Todo iso de forma dinámica, divertida e sen preocuparte de nada!

Toma o teu tempo e empápate da Mariña!

O deporte é protagonista na Mariña Lucense durante todo o ano, xa que son moitas as probas deportivas que percorren o territorio polos seus enclaves naturais e destacados dunha forma saudable e sostible. Son también moitos os clubes, asociacións, colectivos e concellos que convocan ás súas probas a centos de corredores locais e tamén que se desprazan dende outras puntos de España para gozar destes eventos en plena natureza da Mariña.

Compartimos o calendario de eventos.

A Mancomunidade de Concellos da Mariña Lucense presentou o mércores 11 de febreiro en territorio a proposta que levou a Fitur 2026 "A Mariña, unha viaxe á identidade" ante autoridades, concellos e un numeroso grupo de colaboradores do sector privado local e oficinas de turismo. Un acto que tivo lugar no salón de actos do IES de Foz e que tiña por obxecto facer entrega dos diplomas do Sistema Integral de Calidade Turística en Destino (SICTED) da Mariña aos servizos que renovaron a súa distinción neste proxecto.

A Mariña convídache a mergullarte nun Entroido vibrante, cheo de tradición e diversión.

Nesta zona de Galicia, o Entroido vívese con intensidade, enchendo cada recuncho de música, cor e ledicia. Desfiles espectaculares, concursos, pasarrúas cheos de ritmo, ceas e galas inesquecibles, obradoiros creativos, impresionantes fogos artificiais, mascaritas, xigantes e cabezudos, coplas… Unha celebración única que converte A Mariña no destino perfecto para gozar desta festa tan especial.

A relación entre a costa e o interior é un feito inevitable. Como as persoas, os territorios atopan conexións e tecen redes para o mutuo beneficio. As Carolas ou Canouras, representan e sintetizan esa conexión. Mulleres que se achegaban á costa para descansar e recibir os beneficios que reportaba o mar na saúde e que traian consigo os produtos da terra e a personalidade das paisaxes rurais do interior da provincia.

O xoves 22 de xaneiro, a Mancomunidade presentou en FITUR no discurso da presentación A Mariña, unha viaxe á identidade, a figura de Sargadelos coa que se rende unha merecida homenaxe ás Carolas ou Canouras. Esta proposta quere poñer en valor a aquelas mulleres labregas que chegaban acompañadas pola familia e as veciñas ata a costa da Mariña procedentes das zonas do interior da comarca e da provincia de Lugo para tomar os “baños de mar” no mes de setembro.

A Mariña pecha un ano de traballo moi dinámico, marcado pola promoción en mercados prioritarios e o recoñecemento á súa labor de impulso ao modelo de turismo sostible. Un curso no que a Mancomunidade desenvolveu un completo programa de accións no marco do Plan de Sostibilidade Turística no que implicou á cidadanía e ao tecido produtivo na consolidación dun modelo turístico tranformador e respectuoso co territorio.

Na semana do 24 de novembro o xeodestino A Mariña iniciou as sesións de traballo para a implantación na Mariña do Modelo de Innovación Sostible de Experiencias Agroturísticas (MISEA), unha iniciativa impulsada pola Secretaría de Estado de Turismo a través de SEGITTUR que busca avanzar nun modelo turístico sostible a través de experiencias de valor conectadas co territorio.

A Mariña Lucense continúa ampliando horizontes e dando a coñecer todo o que este destino ten que ofrecer. O pasado 22 de outubro, a sala SILO de Bilbao acolleu a presentación da marca turística A Mariña Galicia de Corazón, nun encontro dirixido a profesionais do sector turístico, o mundo da gastronomía e a comunicación do Pais Vasco. Un paso máis na estratexia de activación de marca e de promoción do destino que busca fortalecer os vínculos con outros territorios e situar A Mariña como un destino de referencia a nivel nacional.

Viaxar é unha das experiencias máis enriquecedoras que podemos vivir, pero tamén esixe unha gran responsabilidade. Cada paso que damos como visitantes ten un impacto no territorio e moitas veces podemos influír en que sexa positivo.

O mércores 1 de outubro de 2025, o salón de actos da Casa da Cultura do Valadouro acolleu o primeiro Foro de Turismo e Sostibilidade da Mariña Lucense, un espazo de reflexión e encontro para falar sobre os retos do desenvolvemento turístico e a importancia de avanzar cara a un modelo máis sostible.  

A Mancomunidade de Concellos da Mariña Lucense, coa colaboración da Axencia Turismo de Galicia e da Deputación Provincial de Lugo, presentou a segunda edición dos programas turísticos: "Obradoiros con Corazón" e "Plans con Corazón".  Estas iniciativas, deseñadas para ofrecer experiencias inmersivas e únicas, permiten aos visitantes descubrir a riqueza cultural, natural, gastronómica e artesanal do destino.

Na Mariña Lucense, e con maior intensidade nos meses de verán, poderás atopar diversos programas de visitas guiadas ofrecidas tanto polos concellos, como por entidades asociativas e espazos culturais privados que configuran o destino. Son propostas que nos convidan a coñecer os centros históricos, contornas naturais e outros espazos de interese do territorio.

Coñece o noso patrimonio e namórate da Mariña!

A Mariña foi recentemente o escenario de dúas accións de promoción turística: un blog trip e un fam trip, organizados pola Mancomunidade de Concellos da Mariña Lucense no marco do Plan de Sostibilidade Turística 2022-2024. O obxectivo destas iniciativas é dar a coñecer a ampla e diversa oferta turística da comarca a nivel nacional e motivar a súa comercialización.

Nun mundo dixital que non para de medrar, capacitarse é básico para aproveitar todas as posibilidades que ofrece o entorno.  

Esta xornada de formación xa realizada e que xurde no contexto do Plan de Sostibilidade Turística na Mariña Lucense cofinanciado pola Mancomunidade de Concellos da Mariña, a Xunta de Galicia e a Secretaría de Estado de Turismo, tivo como obxectivo ofrecer unha visión global das ferramentas e estratexias do marketing dixital para axudar a mellorar a presenza online de proxectos, empresas e marcas persoais.

A Mariña Lucense prepara un Encontro de Turismo e Observación da Natureza natureWatch.

Estes encontros son foros especializados en ecoturismo que cada ano se celebran en destinos seleccionados do territorio nacional e A Mariña será o primeiro escenario natureWatch do 2025!

Un evento que poñerá en valor os nosos recursos naturais e o turismo sostible a través de charlas técnicas, saídas ao campo e moito máis.

A Mariña Lucense presenta en el marco de FITUR 2025  "A Mariña Latexa Contigo"  "A Mariña Late Contigo". Un proxecto que pon o foco nas persoas que vivimos no destino e que nace co obxecto de fortalecer os nosos lazos e mostrar ao mundo o orgullo que sentimos pola nosa terra. 

A Mancomunidade de Concellos da Mariña Lucense promove unha acción formativa gratuíta dirixida a axentes turísticos e profesionais da divulgación ambiental co obxectivo de impulsar o territorio como destino de turismo ornitolóxico. 

O encontro será presencial e terá lugar do 10 ao 12 de febreiro de 2025 no Salón de Actos do Centro Cívico de Xove. As prazas son limitadas polo que é precisa incripción previa.

A Mancomunidade de Concellos da Mariña Lucense fai un balance moi positivo do traballo desenvolvido ao longo deste ano 2024 e pon a mira no 2025 coma un ano no que se comezarán a visibilizar tamén os resultados dos proxectos de maior investimento dentro do Plan de Sostibilidade Turística.

A Mancomunidade de Concellos da Mariña Lucense organizou, entre os días 1 e 3 de decembro de 2024, AMODO: Conversas arredor da gastronomía na Mariña, un evento que reuniu a destacados profesionais e medios de comunicación especializados. Amodo nace do Plan Director de Turismo Gastronómico da Mariña no contexto do Plan de Sostibilidade Turística na Mariña. Estas xornadas buscan abrir un espazo de encontro e reflexión sobre realidade gastronómica do destino e consolidar a gastronomía como un eixo central da súa marca-territorio. 

A Mancomunidade de Municipios da Mariña Lucense, coa colaboración da Axencia Turismo de Galicia e da Deputación Provincial de Lugo, presentou dous novos programas turísticos para a tempada de outono: "Plans con Corazón" e "Obradoiros con Corazón". Estas iniciativas, deseñadas para ofrecer experiencias inmersivas e únicas, permiten aos visitantes descubrir a riqueza cultural, natural, gastronómica e artesanal do destino.

Cada vez son máis os viaxeiros que queren vivir o turismo dende unha filosofía na que as présas, a masificación, o ruído e a tensión non teñen cabida. Desexan viaxar amodo, saborear as experiencias, respirar cada segundo, sentir cada recuncho. Fundirse, en suma, co lugar, coa súa xente e coa súa contorna da maneira máis relaxada. 

Ao abeiro do Plan de Sostibilidade Turística na Mariña Lucense 2022 - 2024, cofinanciado pola Secretaría de Estado de Turismo, a Xunta de Galicia e a Mancomunidade de Concellos da Mariña Lucense, convócase o proceso selectivo para a contratación de 1 Técnico/a de Turismo de apoio como persoal laboral fixo-indefinido na Mancomunidade de Concellos da Mariña Lucense.

O 7 de outubro arrinca a cuarta edición deste programa de outono de rutas guiadas a pé, visitas guiadas e visitas a obradoiros de artesanía local en torno á cultura e natureza da Mariña Lucense, A Mariña en ruta. Un proxecto promovido pola Mancomunidade de Concellos coa colaboración da Xunta de Galicia e da Deputación de Lugo. Ata finais de novembro desenvolveranse diferentes actividades polos concellos da Mariña onde a artesanía da comarca terá un papel destacado. Será durante as fins de semana e tamén os festivos 12 de outubro e 1 de novembro.

Do 11 de marzo ao 23 de abril podes reservar ata 8 experiencias de turismo slow diferentes para vivir dun modo especial o norte de Galicia. Propostas que buscan o equilibrio persoal, o contacto coa natureza, experiencias vinculadas á creación artesanal e a transformación de materias primas en deliciosos produtos, o goce dos recursos da contorna...

Trátase de actividades que nacen no contexto de "Turismo Slow Norte de Galicia", un proxecto colaborativo posto en marcha no 2015 polas mancomunidades de concellos da Mariña Lucense e Ferrolterra-Rías Altas para promover un turismo sostible e atractivo para aquelas persoas que viaxan buscando un contacto máis estreito coa natureza e a cultural local.

O 22 de outubro comeza a programación de "Experiencias de Turismo Slow", con seis propostas relacionadas co benestar e a natureza e que se desenvolverán ata o 12 de novembro. Estas actividades enmárcanse na iniciativa "Turismo Slow Norte de Galicia", proxecto colaborativo posto en marcha no 2015 polas mancomunidades de concellos de A Mariña Lucense e Ferrolterra - Rías Altas, coa intención de promover un turismo sostible, atractivo para aquelas persoas que viaxan buscando un contacto máis estreito coa natureza e a cultural local.

O 8 de outubro arrinca a cuarta edición de A Mariña en Ruta, proxecto promovido pola Mancomunidade de Concellos coa colaboración da Xunta de Galicia e da Deputación de Lugo. Ata finais de novembro desenvolveranse 10 roteiros durante os sábados e tamén os festivos 12 de outubro e 1 de novembro.

Para a reactivación do sector turístico ante a crise sanitaria provocado pola COVID-19, Xunta de Galicia e sector puxeron en marcha o programa Galicia destino seguro. Unha serie de medidas para que o sector  turístico se poda adaptar á nova situación e que os turistas e peregrinos podan viaxar a Galicia con maior confianza e seguridade.

Se hai algo que representa á Mariña Lucense son as súas inigualables paisaxes. Praias entre arcos rochosos, frondosos bosques ou roteiros entre cantís. Queres descubrir a mellor maneira de gozalos? Mostrámosche os mellores miradoiros da Mariña coas vistas máis privilexiadas para desfrutar desta preciosa contorna.

Garda a mellor postal na túa memoria e regálalle á túa mirada unha imaxe que non poderás borrar da túa retina. Goza da beleza da Mariña Lucense.

Pedro Pardo de Cela Aguiar Ribadeneira é un dos grandes protagonistas da historia da Mariña Lucense. A súa loita contra a anexión de Galicia por parte dos Reis Católicos, que levou ao seu  aprisionamento e execución, deixou rastro por gran parte do territorio mariñán en forma de historias, lendas e construcións únicas.

Propoñémosche gozar da nosa natureza privilexiada. Esta vez imos buscar fervenzas, caídas de auga que nos sorprenden en paraxes naturais sorprendentes, nas que poderás respirar aire fresco, relaxarte co murmurio da auga e gozar de momentos de paz. Pérdete nos recunchos máis frondosos da Mariña Lucense e descubre algúns dos segredos mellor gardados da zona norte de Lugo.

A Mariña lucense é turismo slow.  É gozar das paisaxes sen présas e perderse polos recunchos máis secretos do norte da provincia de Lugo. 

Grazas á variedade, riqueza e importancia das paisaxes que conforman A Mariña Lucense, contamos con moitos espazos protexidos nos que gozar da natureza. Somos un paraíso entre montaña e mar, no que as formas xeolóxicas contribúen tamén a crear un enclave único.

Que hai mellor que comer? Só hai unha resposta posible: o bo comer. E é algo do que pode presumir sen dúbida A Mariña Lucense.

Queres desfrutar do Camiño máis espiritual? Camiñar afastado da masificación? O Camiño do Norte ou da Costa é o idóneo. Poderás marchar a Santiago rodeado desas paisaxes únicas que algúns afirman que as outras vías cara a Compostela non posúen.