Turismo activo - deportivo
Na Mariña Lucense terás a oportunidade de realizar numerosas actividades de turismo activo da man de diferentes empresas ubicadas no destino e dos grandes profesionais que as organizan.
Poderás elixir entre una ampla gama de plans como os que a continuación propoñemos:
Surf: tanto se buscas iniciarte no mundo das olas como si queres perfeccionar a túa técnica, atoparás cursos adecuados ó teu nivel.
Vela: existe a posibilidade de iniciarse neste deporte con cursos enfocados tanto a adultos como a nenos.
Paddel surf: unha modalidade que gañou popularidade nos últimos tempos e que permite coñecer o noso litoral dunha forma divertida e diferente.
Kayak: realizar algunha das excursións dispoñibles, tanto pola zona de costa como polas rías e ríos.
Snorkel e buceo: sumerxirse nas cálidas augas de A Mariña Lucense e coñecer a flora e fauna acuáticas.
Rutas marítimas: viaxes organizadas con guía en embarcacións para descubrir os puntos máis destacados desta costa.
Barranquismo: coñece os ríos dun xeito diferente.
Rapel: para os máis aventureiros, no entorno montañoso de Viveiro, tamén poderán realizar esta actividade.
Equitación: existe a posibilidade de facer rutas a cabalo para todo tipo de públicos e cursos de equitación.
Parapente: descubre A Mariña a vista de paxaro e sinte por un momento que podes voar.
Ademáis: sendeirismo, espeleoloxía, paintball, orientación, rutas en quad, btt, tiro con arco, etc. Numerosas posibilidades para estar en contacto coa natureza, coñecer os recursos da zona e vivir experiencias incribles.
A Mariña en Ruta:
Durante o outono tes a oportunidade de coñecer o territorio a través de A Mariña en Ruta, un programa de rutas guiadas a pé no que o entorno natural, a historia, a etnografía e a arqueoloxía dos diferentes concellos da Mariña Lucense son os protagonistas.
Carreiras, trails e turismo deportivo:
Na Mariña son moitas as probas deportivas que, organizadas por clubs, asociacións, colectivos e municipios, percorren o territorio polos seus enclaves naturais e destacados dunha forma saudable e sostible convocando por centos de corredores.
