Xeoturismo
A Mariña Lucense, é, sen dúbida, un dos destinos imprescindibles en España do turismo xeolóxico. Na Mariña contamos con patrimonio xeolóxico moi relevante en diferentes lugares do noso territorio, dende a costa, ata o interior, en vales e montañas.
No Inventario Español de Lugares de Interés Xeolóxico (IELIG), figuran identificados máis de 25 Lugares de Interés Xeolóxico no noso territorio. Lugares como o Monumento Natural Praia das Catedrais, o conxunto de pregues mellor conservados de Galicia, os cantís de Morás, a cova do Rei Cintolo ou as Minas de Consuelo e Boulloso son lugares destacados, pero existen moitos outros, que converten A Mariña Lucense nun destino de turismo xeolóxico a nivel nacional.
Por todo iso, lanzamos un programa de actividades de xeoturismo, a cargo do Plan de Sostibilidade Turística na Mariña, cofinanciado pola Mancomunidade de Concellos da Mariña Lucense, a Xunta de Galicia e a SETUR, invita a coñecer o patrimonio xeolóxico da Mariña Lucense a través de rutas, visitas guiadas e actividades de xeoturismo dende finais de ano e ao longo do ano 2024.
A través de diferentes actividades, a poboación local, así como visitantes, poderán descubrir o rico patrimonio xeolóxico da nosa contorna e a beleza natural das nosas rochas, que poden ter millóns de años.
A través do presente programa, teremos a oportunidade de descubrir estes LIG e outros lugares de interese, a través de rutas, visitas guiadas e outras actividades, dirixidas por expertos xeólogos da Mariña.
Consulta clicando na imaxe de abaixo a nosa proposta de actividades!
Próximas datas: 15 de xuño Xeoruta do Ollo de Sapo no Vicedo e 29 de xuño Xeoruta da Marosa en Burela
Ademais, distintos concellos da Mariña promoven propostas para descubrir o seu patrimonio xeolóxico. Aínda que algunhas delas se poden realizar de forma autoguiada, tamén se organizan rutas guiadas de xeito ameno e didáctico por expertos en xeoloxía de Galicia.
Máis propostas guiadas dispoñibles:
Cova do Rei Cintolo en Mondoñedo
Complexo histórico e recreativo das Minas Consuelo e Boulloso - Tirolina das minas
Outras propostas guiadas de interese:
Xeorutas de Burela (xullo, agosto e setembro 2024)
Xeorutas en Ribadeo (xullo e agosto 2024)
Mareas Vivas nas Caterais (actualmente non dispoñibles)
Pero iso non é todo, ao longo de 2024 organizáronse accións formativas en xeoturismo destinadas a xestores do territorio e profesionais do turismo e instalarase sinalética interpretativa de baixo impacto visual de recursos xeolóxicos, entre outras!