Xeoturismo
A Mariña Lucense é máis que un escaparate xeolóxico. Ao visitar esta zona, as súas rochas cóntannos todo o que pasou fai millóns de anos e permítennos entender os grandes cambios que houbo no noso planeta.
Ao adentrarnos na súa xeoloxía é posible comprender o porqué da súa paisaxe. A visita aos seus lugares de interese xeolóxico é unha experiencia inesquecible, que nos trasladará tanto ao pasado como ao presente, e en ocasións ao futuro que lle espera a ese lugar.
Unha maneira amena, diferente e enriquecedora de facer turismo na Mariña Lucense.
Lugares como o Monumento Natural da Praia de As Catedrais en Ribadeo, o conxunto de dobras mellor conservadas de Galicia en Burela, os cantís de Morás en Xove, a cova do Rei Cintolo en Mondoñedo ou as Minas de Consuelo e Boulloso na Pontenova son algúns dos seus lugares máis recoñecidos, pero existen moitos outros, que converten A Mariña Lucense nun destino de turismo xeolóxico a nivel nacional.
Proponse a visita a 16 diferentes enclaves xeolóxicos nos que a beleza do lugar, o seu acceso fácil e cómodo, e por suposto as vistosas formacións rochosas, fan que o interese desde o punto de vista turístico sexa moi destacado.
Asegurámosche que de aquí en diante a túa maneira de ver a nosa paisaxe cambiará para sempre.
Ademais, distintos concellos da Mariña promoven propostas para descubrir o seu patrimonio xeolóxico. Aínda que algunhas delas se poden realizar de forma autoguiada, tamén se organizan rutas guiadas de xeito ameno e didáctico por expertos en xeoloxía de Galicia.
Propostas guiadas dispoñibles:
Complexo histórico e recreativo das Minas Consuelo e Boulloso - Tirolina das minas - A Pontenova
Cova do Rei Cintolo - Mondoñedo
Xeorutas de Burela (Semana Santa 2025)
Xeorutas en Ribadeo (Semana Santa 2025)
Mareas Vivas nas Catedrais (actualmente non dispoñibles)
Guías xeolóxicos con experiencia na Mariña:
Francisco Canosa (xeólogo). Visitas guiadas e actividades de xeoloxía con escolares e docentes. Web. Tlf.: 652 26 45 29.
Ivan Rodríguez (xeólogo). Visitas baixo demanda dirixidas a grupos. Tlf: 655 54 57 98
Ademáis, os días 28, 29 e 30 de marzo do ano 2025 A Mariña Lucense foi sede do XXI Encontro de observación da natureza "natureWatch" que tivo como unha das súas temáticas protagonistas aos recursos e potencialidades do xeoturismo no territorio.
Descarga o folleto de Xeoturismo na Mariña Lucense [GAL, ESP, ENG]:
Ver mapa interactivo