A Mariña. Actividades de xeoturismo 2023 - 2024
Dende finais de ano e ao longo do ano 2024 puidemos contar cun programa de actividades de xeoturismo, a cargo do Plan de Sostibilidade Turística na Mariña, cofinanciado pola Mancomunidade de Concellos da Mariña Lucense, a Xunta de Galicia e a SETUR, que invitou a coñecer o patrimonio xeolóxico da Mariña Lucense a través de rutas, visitas guiadas e actividades de xeoturismo.
A través de diferentes actividades, a poboación local, así como visitantes, puideron descubrir o rico patrimonio xeolóxico da nosa contorna e a beleza natural das nosas rochas, que poden ter millóns de años.
Con este programa, nas 22 actividades xeoturísticas que se desenvolveron a finais de decembro de 2023, xaneiro, febreiro, marzo, abril, maio, xuño, finais de agosto e no mes de setembro de 2024, un total de 359 persoas procedentes de concellos da Mariña, da provincia de Lugo, da Coruña, de Ourense ou Pontevedra, de Asturias e da Comunidade de Madrid tiveron a oportunidade de descubrir estes LIG e outros lugares de interese, a través de rutas, visitas guiadas e outras actividades, dirixidas por expertos xeólogos da Mariña.
Consulta clicando na imaxe de abaixo a nosa proposta detallada de actividades:
Dentro do Programa de Xeoturismo impulsado no contexto do Plan de Sostibilidade Turística, ao longo de 2024, ademáis de visitas xeolóxicas guiadas, tamén se organizaron en febreiro e marzo accións formativas en xeoturismo destinadas a xestores do territorio e profesionais do turismo; e en 2025 instalarase sinalética interpretativa dos principais recursos xeolóxicos do territorio a través de totems de baixo impacto visual.