A Mariña, un dos rincóns máis auténticos de Galicia. Un territorio onde o mar cantábrico e a montaña únense, dando forma a vales amplos e fértiles.
Un territorio de recursos sorprendentes e atractivo durante todo o ano, que ofrece moito máis que praias abraiantes. Porque A Mariña tamén é a horta, o río, o bosque, os portos, as vilas e os cantíns. Un espazo feito de pedra, madeira e auga, de tempo e vida, de traballos artesáns e de cociña a lume lento, onde a prioridade é facelo ben, non rápido. Sen artificios.
Convidámoste a vivir un tempo de calidade, para aprender e descubrir esta terra que soubo respectar o legado do que o tempo deseñou, que garda no seu patrimonio e nas súas xentes, a esencia de Galicia.
