Miradoiro de San Roque

O río Landro no seu tramo final forma unha zona húmida con importantes valores ecolóxicos (englobada na Zona de Especial Conservación ZEC Río Landro); desde o miradoiro descubrimos a súa amplitude. Observamos tamén a desembocadura no Cantábrico, toda a vila de Viveiro coas pontes e o porto deportivo, o importante porto pesqueiro de Celeiro, a costa recortada, a praia de Covas e os montes da comarca.

A área deste miradoiro é unha zona de lecer habitual, onde encontramos tamén a capela de San Roque, punto de referencia desde o mar.