Castelo de Castrodouro

 
Castelo

Edificado sobre un antigo castro romanizado do século I d.C., da antiga fortaleza só se conserva a estrutura exterior da torre de Homenaxe.

No século IX unha familia da Meseta funda o mosteiro e no século XV pasa ao patrimonio do Mariscal Pardo de Cela.

O  mosteiro familiar dependía da diocese de San Martiño de Mondoñedo e co apoio da monarquía asturiana rehabilítano e fortifícano.  No 1220 o rei Afonso IX concédelle o título de vila e todo un alfoz a ˝Castro de Ouro˝ e tamén nesta época a infraestrutura do mosteiro militarízase.

No século XV pasa ao patrimonio do Mariscal Pardo de Cela por formar parte da dote da súa voda con Isabel de Castro.Trala morte de Pardo de Cela volve a mans da Mitra mindoniense, rexida polo bispo Diego de Soto, que o convirte en residencia episcopal, función que sostén ata o século  XVII, cando foi abandoado.

Desde finais do século XIX pertence ao concello e foi destinado durante a meirande parte do século XX  a Casa Consistorial e sede do Xulgado  Municipal.

No 1949 obtivo protección legal e no 1994 foi inscrito no  rexistro de Bens de Interese Cultural.

Na actualidade o Castelo acolle a Oficina de Turismo de Alfoz, sala museo e sala de exposicións.

Se queres descubrir este patrimonio cunha proposta moi entretida e singular, convidámoste a gozar neste espazo da Audioguía ficcionada "O Mariscal: mito, lendas e noticias do último guerreiro medieval" que te axudará a profundar na nosa historia e coñecer a vida do famoso *Mariscal Pedro Pardo de Cela.

982 558 581
Horario verán
Martes a domingo:11:00h - 14:00h / 16:30h - 20:30h
Luns: pechado

Novembro
Sábados e domingos: 10:30 - 14:00 / 15:00 - 18:00

Resto do ano:
Venres, sábados, domingos e festivos: 11:00h - 14:00h / 16:00h - 20:00h
Luns a xoves: pechado


Gratuíto