Ruta da Faba

A Ruta da Faba de Lourenzá é unha experiencia turística completa que combina arte, natureza, gastronomía e cultura local.

O nexo de unión desta singular experiencia é o cultivo da Faba de Lourenzá, produto amparado pola Indicación Xeográfica Protexida que leva o mesmo nome e que actualmente acolle a producción en 15 concellos da Mariña Lucense. Debido ás características do solo e ás técnicas tradicionais empregadas, esta leguminosa destaca pola súa calidade culinaria e aquel que a proba, repite!

A Ruta da Faba combina visitas guiadas ao espectacular patrimonio histórico - artístico de Lourenzá, degustacións gastronómicas de produtos da comarca, ademais da propia faba en diferentes elaboracións, con incursións na cultura local, no cultivo da faba e visitas ás plantacións, onde coñecer de cerca a forma de cultivo da man dos seus produtores. 

Durante este mes de outubro, mes por excelencia para coñecer e desfrutar do proceso de cultivo desta leguminosa e no que tería lugar a tradicional Festa da Faba, terás a oportunidade de vivir esta singular experiencia. Para grupos reducidos de 20 persoas, terán lugar saídas os días 2, 3 e 4, datas nas que se celebraría a tradicional festa de exaltación deste produto tan noso, e os sábados 10, 17 e 24 de outubro.

Nesta ocasión, ademáis, a Ruta da Faba, chega con novidades. O venres 2 e sábado 3, celebrarase en horario de tarde, de 16h a fin de cea, podendo defrutar dun magnífico solpor dende a torre do Pazo de Tovar. Os días 4, 10, 17 e 24 de outubro mantense o horario tradicional, de 10h a 18h aprox. pero ademais, ofertarase a posibilidade de facer a ruta en buggy, podendo aproximarse dunha forma diferente e divertida ás plantacións a través dun percorrido alternativo. Para mais información e reservas débese contactar no 646 384 124 ou no correo lourenzaturismo@outlook.es.

O percorrido inclúe, de base, as seguintes visitas e actividades.

Patrimonio artístico: Mosteiro e Igrexa de San Salvador de Lourenzá, Museo de Arte Sacro e Pazo de Tovar.

Patrimonio Natural: Área Recreativa do Muiño do Pereiro e Mirador da Valiña.

Degustacións gastronómicas: Faba de Lourenzá e outros productos da rica gastronomía de A Mariña Lucense.

Cultura local e cultivo da faba: Centro de Interpretación da Faba e Cooperativa Terras da Mariña.

Aproveita esta oportunidade para desfrutar dunha verdadeira experiencia, singular e con identidade propia que busca por en valor o arte, patrimonio, natureza, gastronomúa e cultivo da Faba de Lourenzá (IGP).