Novos retos e oportunidades no marketing dixital Xornada de Formación (07/05/2025)

 

Nun mundo dixital que non para de medrar, capacitarse é básico para aproveitar todas as posibilidades que ofrece o entorno.  

Esta xornada de formación, que xurde no contexto do Plan de Sostibilidade Turística na Mariña Lucense cofinanciado pola Mancomunidade de Concellos da Mariña, a Xunta de Galicia e a Secretaría de Estado de Turismo, ten como obxectivo ofrecer unha visión global das ferramentas e estratexias do marketing dixital para axudar a mellorar a presenza online de proxectos, empresas e marcas persoais.

O curso será impartido por un axente dixitalizador homologado e formador especializado en marketing dixital, que nos aproximará a través dun temario global nos temas clave do marketing dixital, facilitando que entidades públicas e pequenas e medianas empresas do sector turístico podan mellorar a súa visibilidade online, atraer máis clientes e fidelizar aos visitantes mediante ferramentas dixitais accesibles e prácticas.  Coñeceremos as ferramentas e analizaremos como podemos adaptalas e aproveitalas para o noso negocio ou entidade en función dos nosos recursos e obxectivos. 

  • Como podo facer a miña páxina web? E se preciso unha tienda online?
  • As redes sociais están moi ben, pero realmente necesito ter perfís en todas?
  • Teño un pequeno orzamento e quero aproveitalo en publicidade… que me pode compensar máis?
  • IA. Que é e para que podo usala?
  • Manexo información sensible, como podo protexela?

Se tes estas preguntas (e moitas máis) é o momento de inscribirte nesta formación e dar o primeiro (ou segundo paso) na mellora dixital do teu negocio.

INSCRICIÓN: clica aquí

LUGAR: Salón de actos da Casa do Concello de Lourenzá / Acceso por Travesía da Mariña

PROGRAMA:

10:15 - 10:30h - Benvida e presentación

10:30h -12:00h – Xornada de mañá

  • Estratexias de marketing dixital
  • Ferramentas online para captación de clientes 

 12:00h -12:30h – Pausa café 

 12:15h -14:15h 

  • Comercio Electrónico. Entorno web
  • Publicidade online: Google Ads, email marketing, redes sociais, display, vídeo, mobile

14:15h -16:00h – Pausa para o xantar (libre)

16:00h -19:00h – Xornada de tarde

  • Xestión de redes sociais
  • Posicionamento Orgánico en Buscadores SEO
  • Posicionamento Marketing en Buscadores SEM
  • IA aplicada ao marketing dixital
  • Análise, optimización e conversión de datos web e de redes sociais
  • Ciberseguridade básica