Eixo 1: Gobernanza Colaborativa

Orzamento: 255.000,00€

A continuación, móstranse todas as accións deste eixo en execución ata o momento.

Actuacións:

1.1. Reforzo do ente xestor e contratación de apoio técnico para a xerencia:

 Esta liña de actuación contempla a compra de material funxible, informático e mobiliario para a oficina do PST, a contratación de dous técnicos de apoio para a execución do plan, a contratación de asistencias técnicas de apoio á xerencia con alto grao de especialización en áreas concretas ou os gastos de desprazamentos do persoal técnico a reunións, encontros e xornadas no contexto do PST e desenvolvidas fóra das oficinas centrais.

Estado: en execución desde 2022.

1.2. Asistencia de técnicos do plan a foros de encontro, eventos e xornadas contorna ao desenvolvemento turístico sostible:

 Asistiuse á Feira INTUR de Valladolid (2022), I Congreso de Turismo Activo Inclusivo en Castropol (2022), FIO en Estremadura (2023), FITUR en Madrid (2022, 2023, 2024), viaxe de prospección e coñecemento a Girona con FEGATUR e Turismo Rural Girona (2024).

Está previsto durante 2024 e 2025 a asistencia e participación con stand segundo o caso noutras feiras profesionais, encontros e presentacións que se recollen na Estratexia e Plan Operativo de Marketing Turístico (2023 – 2025) no contexto do PST.

Estado: en execución desde 2022.

1.3. Tecnoloxía para a participación cidadá:

 Incorporación dun apartado específico na web da Mancomunidade que facilite a difusión do PST e a Estratexia de Marketing Turístico entre a cidadanía (residentes, visitantes e empresarios), a xeración de opinións e escoita activa, ademais dunha campaña interna de difusión e sensibilización.

Estado: en execución desde 2022 e actualizado en 2024.