Rutas de Artesanía

Os oficios tradicionais, o valor único do traballo feito á man e o legado do saber dos nosos antepasados son algún dos importantes compoñentes que xunta a artesanía e a converte nun valioso trazo cultural do noso pobo e por tanto, nun excelente reclamo para a nosa rexión.

A artesanía, estreitamente vencellada á historia e natureza da Mariña Lucense, integra un conxunto que converte este territorio, con case 30 artesáns de diferentes disciplinas, nun destino excepcional para o visitante. Cerámica, capintería, cantaría, olaría, xoiería, pelataría, serigrafía, obradoiro de monicreques, obradorio de moda, elaboración de redes e outras especialidades que suman valor a nosa oferta e que permiten coñecer, dende unha mirada auténtica e singular a nosa zona.

QUE SON AS RUTAS DE ARTESANÍA?

Trátase dunha serie de itinerarios cuxos principais protagonistas son os artesáns da Mariña Lucense. A través de las poderás coñecer os seus obradorios, adentrarte no seu oficio e inclusive participar no seu labor diario. Nestas rutas propoñémosche ademais gozar dos valores naturais, culturais e gastronómicos da contorna dos obradoiros de artesanía, para que poidas realizar unha auténtica inmersión no estilo de visa local, completando e enriquecendo a túa visita.

Aconsellámosche unha experiencia de turismo slow, unha filosofía que foxe das presas e reivindica a lentitude á hora de descubrir un lugar e, sobre todo, imbuírse da cultura local, xa que son os propios habitantes, os que coas súas vivencias e coñecementos poden mostrarche a cara máis auténtica do destino.

Con esta iniciativa, búscase recomendar algún dos lugares de principal interese e informar sobre o tempo aproximado que requiren as visitas.

Descarga aquí toda a información acerca das Rutas de Artesanía da Mariña Lucense