A opinión da nosa xente sobre o turismo na Mariña

 ¿Cales consideras que son as principais aportacións que fai o turismo a A Mariña?

• A esta pregunta aberta, case o 50% das persoas que completaron a enquisa considera que as principais achegas que fai o turismo no territorio son económicas, destacando razóns como a xeración de emprego, a súa achega ao comercio local ou os beneficios do sector gastronómico e hostaleiro. 
• Motivos sociais son os segundos máis destacados polas súas achegas positivas, destacando que dinamiza os pobos achegando ambiente e vitalidade. Que reporta riqueza cultural e que fomenta o orgullo dos propio. Pode achegar xente cara ao interior da Mariña e axudar a fixar poboación. 
• Tamén se destaca de forma explícita que pode axudar a mellorar as infraestruturas de comunicación (estradas) e que fomenta a mellora da hostalería, e menciónase  tamén en menor medida a posta en valor do patrimonio, a promoción dunha comarca máis aberta e activa e a promoción dun turismo máis sostible.  

 ¿E as principais problemáticas derivadas da actividade turística na Mariña na actualidade? 

• Un 40% esgrime como principal problemática a masificación do destino vinculada á súa alta estacionalidade. Como principais problemas derivados por orde de mencións: aparcamentos cheos, escaseza de auga das traídas  ("demasiadas vivendas onde non hai auga suficiente"), problemas co tratamento de augas residuais, problemas de tráfico, saturación / contaminación das payas, problemas coa xestión de residuos, e  desabastecemento en supermercados. Sensación de "invasión" e de falta de respecto. 

• A seguinte problemática máis mencionada é a vivenda, cun 20% de mencións directas (escasez de oferta, prezos elevados, impedimentos para alugar todo o ano).

• Outro dos problemas derivado da actividade turística máis mencionados é a degradación do medio e os malos tratos á paisaxe como consecuencia da presión turística, a falta de planificación e de regulación. 

• A subida de prezos, a falta dunha estratexia común entre todos os municipios, a perda de identidade ou a dependencia do sector, tamén son factores negativos mencionados pero con menor incidencia. 

  Principais retos de cara ao futuro:

• Conseguir un turismo sostible eficaz, desestacionalizado, respetuoso e de calidade é a mención máis repetida (30% das persoas mencionano de forma explícita). 
• Con un 25% o seguinte reto máis mecionado é Mellorar as infraestructuras e servizos (auga potable, augas residuales, conexións por estrada...)
• Os seguintes retos máis repetidos son a regulación sobre a vivenda, a ampliación da oferta cultural e de ocio, innovar e distribuir o turismo hacia o interior. 

 Valora entre 1 e 5 o seguinte enunciado: "O impacto positivo do turismo na Mariña é superior aos impactos negativos que se podan derivar da actividade"

Ante esta solicitud e considerando 1: moi en desacordo e ata 5: moi de acordo, os resultados foron os seguentes:

Máis da mitade das persoas equisadas (62%) está de acordo en que os impactos positivos do turismo superan aos negativos. Un 24% móstrase neutral ante este enunciado mentras o 14% non considera os impactos positivos superiores aos negativos. 

  ¿Qué factores consideras clave para a consolidación dun turismo sostible na Mariña?

• Aínda que existe unha gran diverxencia dos factores expresados, a mellora das infraestructuras e servizos é o máis repetido, seguido pola desestacionalización (organización de actividades todo o ano e descentralización) e logo pola promoción de alternativas ao sol e praia coa promoción dun turismo responsable, de natureza (sendeirismo, etc.) e máis servizos culturais. 
• Tamén se destaca a xestión dos recursos naturais (como Praia das Catedrais), e se mencionan aspectos como a sensibilización dos visitantes, a planificación ou o apoio aos concellos para atender as súas labores de control -autocaravanas-, contratación de socorristas, etc. 

En relación ao perfil das persoas desta mostra,

 Municipios de residencia

Excepto Trabada e Ourol, recolléronse opinións de todos os concellos da Mariña, seendo Foz, Viveiro e Burela os concellos con máis respostas. 

 Traballan no sector turístico?

O 86% das persoas que completaron a enquisa non traballa no secto turístico.

 Edad

En canto ao rango de idade das persoas que responderon o cuestionario, máis do 80% ten entre 26 e 65 anos con un peso moi similar aos grupos de 26 a 45 e de 46 a 65. 

* Este espazo de consultas continuará aberto durante todo 2025 para seguir recollendo aportacións e coñecer a percepción da poboación local e axentes do sector sobre o turismo no territorio.