Museo etnográfico José Rocha

Este museo de recente apertura, nace da paixón pola súa terra dun coleccionaista, José Rocha, servindo hoxe ao obxecto de difundir con orgullo o patrimonio etnográfico de Trabada e de todo o noso territorio. O antigo propietario da colección exposta, doou o seu patrimonio ao Concello de Trabada, o que motivou a creación deste espazo.

Contén máis de mil pezas que permiten achegarse ao noso pasado e presente, desde libros do século XVI, ata un cristo de case un metro labrado en marfil, cadros, máquinas de coser, obxectos de traballo, roupa, e outras antigüidades.

No mesmo edificio, sitúase a Oficina de información turística.