A Mariña Central

BURELA

Falar de Burela é falar de mar. Achegarse á súa lonxa, admirar o traballo artesanal das redeiras e percorrer o barco museo Reina del Carmen, permitiranche descubrir a importancia histórica da pesca en Burela e a súa gran tradición na captura do bonito, protagonista da feira que se celebra a primeira fin de semana de agosto dende fai máis de trinta anos.

Percorre o seu paseo marítimo rodeado de praias, dende este, poderás avistar os restos arqueolóxicos de Chao  do Castro. De gran relevancia xeolóxica son as formacións xeolóxicas de O Perdouro, o conxunto de  pregamentos mellor conservado de toda Galicia cuxa idade se estima en máis de 300 millóns de anos.

Oficina de turismo: temporal - Rúa do Porto s/n. Burela. 27880

982 888 506 / 982 58 60 00 - oficinadeturismo@burela.org

O VALADOURO

As terras de O Valadouro están regadas polo río que lle pon nome, o cal ten fama de ter contido este prezado mineral.

Do patrimonio artístico do Valadouro, ademais da súa arquitectura civil chea de pazos, destaca sobre todo a arte relixiosa das súas igrexas e capelas como a de Santa Filomena do Cadramón, na Serra do Xistral.

Tamén poderás gozar do bonita Ruta dos Pozos, que che achegará ao Pozo das Moscas e ao Pozo da Onza, fermosas paraxes onde vexetación, auga e pedras únense formando un escenario perfecto.

Oficina de turismo temporal. Avenida Deputación, 6 (Casa da Cultura). 27770 Ferreira do Valadouro - Lugo.

Teléfono de información: 982 571 516 (ext.3) - turismo@valadouro.gal

MONDOÑEDO

O impresionante casco antigo de Mondoñedo, de orixe medieval e dominado pola catedral, foi declarado conxunto histórico-artístico. As súas rúas de carácter señorial condúcennos ao Barrio dos Muíños, onde poderemos achegarnos a varios obradoiros de artesanía ou a lugares históricos como A Ponte do Pasatempo.

A mellor opción para percorrer a localidade é deixarse levar pola audioguía ficcionada Mondoñedo e familia, que che permitirá coñecer os puntos importantes da vila.

Goza da gran riqueza paisaxística da zona a través de diversos roteiros. Atoparás áreas protexidas como A Fraga Vella ou paraxes únicas como A Cova do Rei Cintolo, o santuario da  espeleoloxía galega.

Oficina de turismo: permanente. Praza da Catedral S/N. 27740. Mondoñedo

982 507 177 - turismo@concellomondonedo.es

LOURENZÁ

Lourenzá, que, como Mondoñedo, se atopa aos pés do Camiño de Santiago, posúe un gran atractivo turístico, tanto por beleza paisaxística como pola riqueza pesqueira dos seus ríos ou o seu legado patrimonial.

A historia de Lourenzá estivo moi ligada ao Mosteiro de San Salvador, declarado monumento histórico-artístico. A súa igrexa, foi rematada por Casas Novoa como ensaio da fachada da catedral de Compostela, de aí a similitude entre ambas. Entre os monumentos arquitectónicos do concello destaca tamén o Pazo de Tovar, en Canedo, obra exemplar do estilo gótico- isabelino.

Así mesmo, non podes deixar Lourenzá sen probar a Faba de Lourenzá, manxar con Indicación Xeográfica Protexida. Coñécea a través da Ruta da Faba visitando lugares como o Centro de Interpretación da Faba.

Oficina de turismo: permanente. Centro de Interpretación da Faba. 27760. Vilanova de Lourenzá

982 121 006 - lourenzaturismo@outlook.es

FOZ

Foz é un histórico porto reconvertido en turístico grazas ás súas bonitas praias. A súa orixe remóntase á época  prerromana. Poderás comprobalo visitando o Castro de Fazouro, ao leste da praia de Arealonga. A praia da Rapadoira é o areal urbano de Foz e o máis coñecido pero existen moitos outros de recomendable visita. 

Neste concello, atopamos a basílica de San Martiño de Mondoñedo, declarada Monumento Nacional e considerada como a catedral máis antiga de España. Moi próximo, poderás visitar o  Espazo Caritel, un conxunto de museo artístico e parque botánico moi singular.

Oficina de turismo: permanente. Av. da Ribeira s/n. 27780. Foz.

982 132 426 - turismo@concellodefoz.es

ALFOZ

Alfoz destaca pola figura do  Mariscal Pardo de Cela. Testemuños da súa historia son as fortificacións do Castelo da Frouseira, do que só se conservan ruínas, ou o Castelo de Castrodouro, espectacular miradoiro sobre o val circundante e do que se mantén a súa fermosa torre medieval.

Tamén en Alfoz atopamos a Finca Galea, que acolle o Museo Etnográfico da Auga nunha paraxe única no que as augas do río Ouro dan vida a muíños, fontes ou saltos de auga.

Numerosas rutas de sendeirismo permiten descubrir o patrimonio natural do concello e coñecer paraxes inigualables como o da  Fervenza do Escouridal, considerada como a máis alta de Galicia.

Oficina de Turismo: permanente. Castillo de Castro de Ouro s/n. 27776. Alfoz

982 558 578 - turismo@concellodealfoz.com